UMA MAHESWARA STOTRAM Lyrics | Lord Parvathi | Devotional Lyrics

Aarde Lyrics

Album: Lord Parvathi Devi Songs/ Stotram
Song/ Stotram- UMA MAHESWARA STOTRAM
WRITER :: Sankaracharya 

ఈ లిరిక్స్ ఇంగ్లీష్ ఫాంట్స్ లో పొందండి :: ENGLISH SCRIPT



namaḥ śivābhyāṃ navayauvanābhyāṃ 
parasparāśliṣṭavapurdharābhyām |
nagendrakanyāvṛṣaketanābhyāṃ 
namo namaḥ śaṅkarapārvatībhyām || 1 ||

namaḥ śivābhyāṃ sarasotsavābhyāṃ 
namaskṛtābhīṣṭavarapradābhyām |
nārāyaṇenārcitapādukābhyāṃ 
namo namaḥ śaṅkarapārvatībhyām || 2 ||

namaḥ śivābhyāṃ vṛṣavāhanābhyāṃ 
viriñciviṣṇvindrasupūjitābhyām |
vibhūtipāṭīravilepanābhyāṃ 
namo namaḥ śaṅkarapārvatībhyām || 3 ||

namaḥ śivābhyāṃ jagadīśvarābhyāṃ 
jagatpatibhyāṃ jayavigrahābhyām |
jambhārimukhyairabhivanditābhyāṃ 
namo namaḥ śaṅkarapārvatībhyām || 4 ||

namaḥ śivābhyāṃ paramauṣadhābhyāṃ 
pañcākṣarīpañjararañjitābhyām |
prapañcasṛṣṭisthitisaṃhṛtābhyāṃ 
namo namaḥ śaṅkarapārvatībhyām || 5 ||

namaḥ śivābhyāmatisundarābhyāṃ 
atyantamāsaktahṛdambujābhyām |
aśeṣalokaikahitaṅkarābhyāṃ 
namo namaḥ śaṅkarapārvatībhyām || 6 ||

namaḥ śivābhyāṃ kalināśanābhyāṃ 
kaṅkāḷakalyāṇavapurdharābhyām |
kailāsaśailasthitadevatābhyāṃ 
namo namaḥ śaṅkarapārvatībhyām || 7 ||

namaḥ śivābhyāmaśubhāpahābhyāṃ 
aśeṣalokaikaviśeṣitābhyām |
akuṇṭhitābhyāṃ smṛtisambhṛtābhyāṃ 
namo namaḥ śaṅkarapārvatībhyām || 8 ||

namaḥ śivābhyāṃ rathavāhanābhyāṃ 
ravīnduvaiśvānaralocanābhyām |
rākāśaśāṅkābhamukhāmbujābhyāṃ 
namo namaḥ śaṅkarapārvatībhyām || 9 ||

namaḥ śivābhyāṃ jaṭilandharābhyāṃ 
jarāmṛtibhyāṃ ca vivarjitābhyām |
janārdanābjodbhavapūjitābhyāṃ 
namo namaḥ śaṅkarapārvatībhyām || 10 ||

namaḥ śivābhyāṃ viṣamekṣaṇābhyāṃ 
bilvacchadāmallikadāmabhṛdbhyām |
śobhāvatīśāntavatīśvarābhyāṃ 
namo namaḥ śaṅkarapārvatībhyām || 11 ||

namaḥ śivābhyāṃ paśupālakābhyāṃ 
jagatrayīrakṣaṇabaddhahṛdbhyām |
samastadevāsurapūjitābhyāṃ 
namo namaḥ śaṅkarapārvatībhyām || 12 ||

stotraṃ trisandhyaṃ śivapārvatībhyāṃ 
bhaktyā paṭheddvādaśakaṃ naro yaḥ |
sa sarvasaubhāgyaphalāni 
bhuṅkte śatāyurānte śivalokameti || 13 ||

Post a Comment

0Comments

Post a Comment (0)